اي اين جي عباسي

اي اين جي عباسي: اڳوڻو آبپاشي سيڪريٽري ۽ پاڻيءَ جي معاملن جو ماهر زرعي انجينئر اي. اين. جي عباسي جو پورو نالو عبدالنبي عباسي آهي. سندس جنم 01 سيپٽمبر 1930ع تي ڳوٺ سوڀيديري، ضلعي خيرپور ميرس ۾ گل حسن عباسيءَ جي گهر ۾ ٿيو. ابتدائي تعليم پنھنجي ڳوٺ مان حاصل ڪرڻ بعد انٽر ڊي. جي. سنڌ ڪاليج ڪراچيءَ مان ۽ 1951ع ۾ گريجوئيشن اين. ڊي. يونيورسٽي مان سول انجينئرنگ ۾ ڪئي. کيس، سرڪاري توڙي نيم خودمختيار ادارن ۾ ڪم ڪرڻ جو طويل تجربو حاصل رهيو. پاڻ، اريگيشن ائنڊ پاور، فوڊ ائنڊ ائگريڪلچر، لائيو اسٽاڪ ائنڊ فشريز کاتن جي اهم انتظامي عھدن تي فائز رهيو. ان کانسواءِ پاڪ- ڪوويت انويسٽمينٽ ڪمپنيءَ ۾ بطور چيئرمئن رهڻ سميت پي. آئي. ڊي. سي ۽ نيشنل انويسٽمنٽ ٽرسٽ جو به چيئرمئن رهيو. هن، ڪيترن ئي وفاقي ۽ صوبائي وزارتن ۾ به ڪم ڪيو. کيس 2004ع ۾ مير الله خان'>ظفر الله خان جمالي جي وزارت عظميٰ ۾ اسٽيٽ جو وفاقي وزير ۽ پاڻيءَ جي وسيلن تي ٺاهيل فني ڪاميٽيءَ جو چيئرمئن مقرر ڪيو ويو. هن، 1990ع ۾ نيشنل انويسٽمنٽ ٽرسٽ (NIT) مان چيئرمئن جي عھدي تان رٽائرڊ ڪيو. ڦڦڙن جي تڪليف سبب 28 نومبر 2023ع تي اسلام آباد ۾ وفات ڪئي.

داخلا ۾ استعمال ٿيل تاريخون

1930.09.01  عيسوي

اڳوڻو آبپاشي سيڪريٽري ۽ پاڻيءَ جي معاملن جو ماهر زرعي انجينئر اي. اين. جي عباسي جو پورو نالو عبدالنبي عباسي آهي. سندس جنم 01 سيپٽمبر 1930ع تي ڳوٺ سوڀيديري، ضلعي خيرپور ميرس ۾ گل حسن عباسيءَ جي گهر ۾ ٿيو.

2023.11.28  عيسوي

اي. اين. جي عباسي ڦڦڙن جي تڪليف سبب 28 نومبر 2023ع تي اسلام آباد ۾ وفات ڪئي.

شخصيتون - ڀاڱي جون ٻِيون داخلائون